رفض الأهل

Strawberry_59493 🇪🇬

منذ 20 ساعة

شعور ضائع

موضوع:

اضطراب القلق والتوتر

عبّر عن شعورك بشكل مجهول

فى فتره جت عليا كانوا اهلى فيها بينهم مشروع انفصال رسمى يعنى (طلاق) ف الفتره دى اتعرفت على شاب معايا ف الشغل حد كويس مجتهد قادر يفهمنى لما بنتكلم و قربنا و هو محترم و انا الحمد لله متربيه ان مافيش صحوبيه و الكلام ده ف احنا اول ماحسينا ان فى كلام و كده بينا اخدت قرار انه لأ ماينفعش كده و بتاع و هو اخد قرار انه انا عايز اجى اتكلم مع اهلك الفكره انه ارتبط قبلى ٣ مرات و سقط سنتين ف الكليه و ساب كذا شغل و كده يعنى عشان كان بيشتغل و مركز ف الشغل اكتر و كده و كمان بعد التخرج ماكنش مستقر ف شغله كده ف اهلى لما عرفوا التفاصيل دى رفضوه و قالوا انه شخص مش اد المسؤليه و مش مستقر انا مش ضدهم بصراحه بس كنت دايما بفكر انه ادام مش فاشل او اللى هو بيسيب الشغله و يريح ف تمان يعنى عادى بس ده ماكنش عادى بالنسبه لاهلى و فضلت اسبوع مقلله كلام معاه خالص و بحاول انا اقنع اهلى لحد ما فقدت الامل و هم اكدولى ان رفضهم قطعى ف اما اتصل رديت و قولتله ان مافيش نصيب و طبعا الجمله الشهيره بتاعه اصل انتى ماحاولتيش و بتاع و انا كنت معديه باسبوع ممكن اقول عليه اسوء و اصعب و اطول اسبوع ف حياتى و بعدها بخمس شهور كان نزل استورى استفزتنى اوى عن النسيان و ان انت لازم تنسى ناس مالهاش لازمه و بتاع ف رديت و حصل كلام  وعتاب و غلطنى و غلطته و شبه اتصافينا و بعدها كان بارد اوى معايا بعدها ع طول بتلات ايام بالظبط قولتله عايزه افهم فيه ايه قال كلام كتير اوى انه اتجرح ف علاقات قبل كده و بتاع المهم ف اخر الكلام اننا ممكن نبقى صحاب و انا طبعا رفضت ده و انتهت القصه على كده . انا حاليا لا عارفه اشتغل ولا عارفه اتقبل اراء اهلى ف اى حاجه حتى لو تافهه مش عارفه افتح قلبى لحد برفض ناس لفكره انى خايفه بس اعمل ايه حاسه انى لا هعرف اتخطى ولا هعرف احب تانى و الاهم انى مش هعرف اثق تانى ف حد نهائى كل حياتى متشقلبه لدرجه انى بفكر اذاكر و اشوف فرصه شغل بره انا تعبانه نفسيا جدا و بيجيلى بانك اتاك و حالات تشنج كده مش مفهومه و انا طول عمرى احب اخرج و اضحك بقيت شخص عصبى مقريف و حقيقى بقيت صعبه اوى يعنى ، حد عنده حل ، او حد كان كده و تخطى

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Nutella_26879 🇪🇬

منذ يومين

شعور مكتئب

انا محتاجه نصايحكو واللى مر بالتجربه دى يقولى حبيت واحد منفصل من خمس سنين وعنده ولدين عايشين مع طليقته بيحبنى جدا وبحبه اتقدم كذا مره واهلى رافضين عشان ظروفه وانا مش عارفه اعمل ايه

Potato_58394 🇪🇬

منذ 3 أيام

شعور مكتئب

عبّر عن شعورك بشكل مجهول

السلام عليكم 
أنا عندي ١٩ سنة ف أولى طب الحمدلله 
قبل م اخلص ثانوية عامة حبيت بنت من العيلة بس هي تقربلنا من بعيد يعني مش بنت خالتي أو بنت عمي 
المهم كان في تواصل بينا و كلام كان طبيعي جدا بحكم ان هي ف تمريض و انا كان حلمي أخش طب و كان فعلا ربنا شاهد ان كلامنا مكنش فيه أي تجاوز 
أعترف أن فكرة التواصل نفسها غلط و ميصحش بس الشيطان غلبني 
المهم لما دخلت الجامعة أعترفت بحبي لها مع إنها كانت كارهة فكرة الحب و الارتباط بس وافقت و على طول رحت كلمت والدي و طبعا رفض 
بحكم اني لسة صغير و سنين الكلية كتير و لسة معتدمتش على نفسي 
و حصل مشاكل كتير و والدي و والدتي أجبروني إني اوقف تواصل معاها نهائي بحكم ان بنت خالتي الكبيرة مخطوبة من عيلة البنت الأنا بحبها ف عشان النسب ميحصلش فيه مشاكل والدي قالي ابعد و متتواصلش تاني و انا قلت لهم مش هكلمها تاني و كده 
بس معرفتش اوقف كلام تعلقت بيها و مبقتش عارف استغنى عنها 
ربنا يشهد ان مفيش اي تجاوز بينا ولا بنخرج ولا بنبعت صور لبعض ولا الحاجات دي بس فعلا مش عارف اوقف كلام و مفهم اهلي اني مش بكلمها 
و اهلي قالولي انك مش هتخطبها حتى لو كنت جاهز و رفضوها كبنت  اني اخطبها 
مش عارف اتصرف ازاي 
بدعي ربنا كل يوم و ف كل صلاة انه يجعلها من نصيبي و انه يغير رأي اهلي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_58254 🇪🇬

منذ 3 أيام

شعور متعب

عايزه حل لمشكلتي دلوقتي أنا طالبه لسه هبدأ تانيه جامعه والشخص اللي بحبه طالب برضو بس داخل تالته جامعه وجه اتكلم مع اهلي وأهلي مش موافقين عشان لسه قدامه كتير ف تكوين نفسه يعني فاضله سنتين ف الجامعه وسنه جيش وبعدين هيكون نفسه وكمان اهله رافضين علاقتنا عشان يركز ف حياته وميركزش ف حاجه زي دي دلوقتي وان

Apple_57506 🇪🇬

منذ 4 أيام

شعور محبط

Mango_57425 🇪🇬 اسمحلي لازم تفرق بين الحاجات اللي الحياة بينك و بين شريكتك تقف عليها و الحاجات اللي لا .. هي قالت كده من وجعها و عشمها فيك و انها مستنياك بقالها سنين و عاملة حسابها انك هتعافر عشانها عشان انت الراجل .. لو انت شابفها تستاهل (بعيدا عن الدعوة هي بني ادم برضو كلنا بنغلط ) حاول تاني .. اقعد مع اخوها و حاول تتفاهم معاه . انت تعلى بالحاجات اللي هتجيبها شوية و هو ينزل من طلباته شوية ...

عرض الكل 28 نصيحة

عبّر عن شعورك بشكل مجهول

جماعة الله لا يحط حد فيكم مكاني أبداً.. أنا حكايتي طويلة أوي بس هجيب لكم المختصر عالآخر .. المرة الأولى و الوحيدة ولا عمري قبلها كلمت بنت أعرف واحدة من ٦ سنين من لما كنا في ٣ ثانوي بالصدفة قدمت لها مساعدة كبيرة يعني وقت صعب ظهر فيه معدننا الحقيقي و سندنا على بعض و بعدها بسنة حبينا بعض ٥ سنين عشرة عمر بحلوهم و حتى مرّهم يحلى جنب بعض ولو زعلنا نتصالح و نرجع أقوى ورغم إن أي حد ممكن يشوفها عادية و فيه منها بس عندي جواها أبيض و مفيش ست ولدت زيها حتى على عيوبها  مهم حكيت لكم يا جماعة مش هعبر عن مدى اللي وصلنا له ... المهم جيت اتقدم لها من ٨ شهور و صارحت أهلي لإنهم عارفين إني بكلم واحدة المهم رفضوا في الأول و بعدين وافقوا و روحت أنا و أبويا و أمي و أختي نتقدم و أمي رايحة مغصوبة .. المهم ضيفونا و أكلونا و رؤية شرعية و روحنا و سألوا علينا إحنا من نفس المحافظة  بس بعيد عن بعض المهم وافقوا و راح أبويا و خد عمي معاه يتفق و هي والدها متوفي ف حاضر أخوها الكبير و معاه اعمامه اخوان أبوه المهم اعمامه كان اسلوبهم قليل الذوق و طلباتهم مبالغ فيها و أبويا فضل يوافق يوافق لحد ما رفض في الآخر لما زهق منهم وطول الفترة دي بدور على حل لحد ما أخوها وافق على اللي أبويا كان قايل عليه و كمان مش هيحضر اعمامه دول تاني لكن أبويا اتقفل منه و من اعمامه وبصراحة أبويا معاه حق لكن إصراره على الرفض ده حرام ممكن يدي فرصة تانية بس هو خايف لاتمسك بهم بعد كده و ميعرفش يفسخ الخطوبة لأي سبب و دورت لما عرفت كبير العيلة بتاعهم راجل محترم لكن أبويا بردو رفض يكلمه مرة تانية و البنت عمالة ترفض العرسان من بره بره و أنا على تواصل معاها و مع اختها الكبيرة لحد ما خلاص اختها قالتلي متكلمهاش و بالفعل مكلمتهاش و أبويا لسه رافض .. كده خلاص تقريباً كل حاجة انتهت قبل العيد ده لكني كنت مصدوم و كنت مصمم إن لأ مش هسيبها بردو و لسه هحاول وعديت العيد و دبحت و أكلت معاهم علشان منكدش عليهم لكن مستحملتش و تاني يوم العيد دخلت في إضراب عن الطعام والشراب و اتفاجئت بمكالمة منها و هي بتعيط و دعت علينا (يارب يجيلكم واحدة أهلها حلوين بس هي بقى توريكم الويل) و دعت على أبويا دعوة وحشة أوووي (يارب زي ما بيصعبها ربنا يصعب عليه سكرات الموت) أنا اتصدمت صدمة عمري الكلام ده طالع من مين و لمين الدعوة دي أنا مدعيهاش على كان من كان صعبة أوي تخيل أما حد ميطلعش منه كده و تسمع منه دعوة دي على أبوك  اللي مهما كان رباك و ضهرك في الدنيا  و لحم اكتافك من خيره ده أنا مكنتش ناوي أتخلى عنها و هعافر بأسناني لما تتكسر و إيديا لما تتقطع و أمشيلها حافي بلاد بس أوصل ولو موصلتش أنا مؤمن بربنا و هي مش رزقي لكن كانت هتفضل لها كل الإحترام و الدعوات في صلاتي وقسما بالله كان في دماغي لو اتجوزت و اتطلقت لأتجوزها وما أتجوز غيرها لإني مش قادر استغنى و الحاجة اللي كانت بتيجي عليا أنا كنت بعديها معلش لكن ده أبويا !! ده أنا كنت بطلع صدقة جارية على روح أبوها و أدعيله بالرحمة في صلاتي و الأوقات المفترجة وأنا معرفهوش و زعلت لما نسيت تاريخ وفاته و مكنتش جنبها الذكرى اللي فاتت وكنت شغال و مريض !! كلمتني تاني و مكنش ليا أرد عليها بس رديت لتعمل في نفسها حاجة وحشة و قالتلي أنا مش وحشة بس مش قادر اسامحها اتحول اضرابي عن الأكل لعقاب لنفسي علشان حبيت و علشان مش متحمل كل ده وقت واحد و رجعت أكلت تاني علشان أمي تاكل و دلوقت عدت أيام بسيطة و أنا لسه مصدوم و مكتئب و مش عارف ليه كده و لسه كل ده و هعالج ده إزاي و هرجع طبيعي إزاي تاني و اعمل إنسان و خلاص على كده بقى ؟!!! خلاص كده خلصت !! هما في البيت فاهمين إني لسه عايزها وأنا مقاطع أبويا ومش بروح معاه الشغل ميعرفوش إن أنا حتى لو وافقوا مش هوافق أتجوزها تاني خلاص .مكنتش أتخيل ده يحصل .. هل أنا مكبر الموضوع ؟ هل عادي إن الوجع يدفع الإنسان يقول الدعاء الوحش ده .. مع العلم إن أخوها اللي ربنا ينتقم منه هو السبب في كل ده و محاولش يصلح غلطه رغم إني روحتله و قعدت معاه و أحرجته قدام نفسه . أنا آسف لو طولت عليكم بس بجد مش طايق أحكي لحد و بيدور في دماغي حاجات كتيركده  زي إني حتى لو اتجوزت تاني مش هتجوز من فلوس أبويا و هستنى لما أكون نفسي بنفسي و ده هياخد سنين وأنا كان عندي أمل أعف نفسي بالجوازة دي عن معاصي السر .. و إني أحب تاني !! بس صعب و ممكن بس مش دلوقت بظروفها ربنا يعوضني بغيرها .. أو أسافر أعيش بره ولا أكمل هنا علشان أخواتي البنات أنا وحيدهم  .. طب أعرف بنات كتير و أقضيها و الكلام العبيط ده .. وعندي آخر هدايا جابتها هاي كول و مج حراري و محفظة لسه مش مستعملهم أرجعهم ولا ملوش لزوم أصلا أحتك بها .. و صورها عندي ملايين الصور لها في كل التطبيقات هل اجمعهم و أشيلهم في كارت بعيد عن الفون علشان متجيش قدامي كل شوية و محدش يزايد عليا و يقولي امسحهم أنا أعصابي مش عايزة تمسحهم زي ما تكون هترجع بمعجزة تاني بس ربنا يحكم في أمري بقى  .. كل دي وساوس في دماغي بجد آسف أنا طولت 😓😓😓

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Mango_55086 🇪🇬

منذ أسبوع واحد

شعور ضائع

أنا عندي مشكله مش عارفه أفكر فيها انا كنت مرتبطه بشخص حوالي ٤ سنين بيحبني بجد و كذا موقف اثبتلي دا وانا كمان بحبه بس في كذا مشكله أولهم ان اهلي مش موافقين عليه خالص حاولت كتير معاهم و مفيش فايده أسباب الرفض عندهم حق فيها انه لسه معندوش شقه هيقعد ف ايجار و شغله لسه مش مستقر اه بيكسب كويس بس مش ثابت و

Avocado_51186 🇧🇭 أنا شايف ان الحب مش كل حاجه لان في حاجات تانيه كتير في الجواز مهمه واكيد اهلك عندهم بُعد نظر في الموضوع ده واكيد هما بيتمنولك الخير طبعا ورفضهم اكيد مش لمجرد العند وخلاص هو ممكن يكون فعلا شخص كويس بس مش مناسب لظروفك ولحياتك .. حاولي تبعدي عنه وخدي القرار الصح وهو لما يكون مستعد يتقدم مره تانيه وصدقيني والله هو لو من نصيبك ماحدش في الدنيا هيقدر يفرق بينكم وربنا يصلحلك الحال ويوفقك

عرض الكل 9 نصيحة

Banana_53738 🇪🇬

منذ 3 أسابيع

شعور مكسور القلب

أنا إنسان كل أملي ف الحياه هيا واحده لا عايز اكون غني ولا حلمي اركب عربيه ولا بحلم بأي حاجه خالص غيرها بس هيا اللي بتمناها من ربنا في حياتي بس وللأسف الواقع بيقول انها مستحيل تكون ليا الأهل رافضين تماما وهيا عايزاني وانا عايزها وحاليا جايلها عريس وبالغصب أهلها موافقين وكان سبب رفض الأهل هما اهلي

Hazelnut_52786 🇪🇬 يا صاحبي، كلم أهلك بهدوء، اشرحلهم إن سعادتك معاها ووضح إن خوفهم ملوش أساس. خلي حد كبير وحكيم يقنعهم. اتكلم مع البنت وشوف هي عايزة إيه. أوعى تفكر تأذي نفسك، دي مش نهاية الدنيا. فيه أمل، بس محتاج صبر وسعي. ويارب يعطيك ما تتمني باذن الله

عرض الكل 6 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع